Ikki xonadonning maydoni bir xil — 62 m² — bo'lishi mumkin, lekin birida yashash qulay, ikkinchisida koridor «yeb qo'ygan». Farqni xarid paytida faqat planirovkadan ko'rish mumkin. Mana nimalarga qarash kerak.
Foydali maydon nisbati
Umumiy maydondan koridor va o'tish zonalarini ayirib ko'ring: xonalar + oshxona maydoni umumiyning kamida 70–75%ini tashkil qilsa — planirovka samarali. Uzun tor koridor — chiroyli ko'ringani bilan, siz to'laydigan «o'lik» kvadratlar.
Chizmada tekshiriladigan 6 nuqta
- Derazalar qaysi tomonga qaraydi — janubiy-sharqiy yo'nalish yorug'lik uchun qulay
- Oshxona o'lchami: 10 m²dan katta oshxona oilaviy hayotda o'zini oqlaydi
- Sanuzel joylashuvi: yotoqxonaga yaqinligi qulay, mehmon zonasidan ko'rinmasligi ma'qul
- Devorlarning qaysi biri ko'tarma (kapital) — kelajakdagi qayta planirovka imkonini belgilaydi
- Balkon/lodjiya maydoni umumiy hisobga kiradimi — narxga ta'sir qiladi
- Eshiklar ochilish yo'nalishi — mebel joylashuviga to'sqinlik qilmasin
Masshtabni his qilish usuli
Chizmadagi o'lchamlarni hozirgi uyingiz bilan solishtiring: hozirgi yotoqxonangiz nechchi metr? Divan (2,2 m), krovat (1,6×2 m), shkaf (0,6 m chuqurlik) o'lchamlarini bilsangiz, chizmada mebel sig'ish-sig'masligini oldindan «joylashtirib» ko'ra olasiz. Menejerdan xonalar o'lchamlari yozilgan planirovkani so'rang — bizda har bir xonadon turi uchun bunday chizmalar mavjud.